Որքան արագ կատարելագործվի «Հեռուսատեսության և ռադիոյի մասին» ՀՀ օրենքը, այնքան լավ, քանի որ Հայաստանի իրավակիրառական փորձն այդքան զարգացած չէ միայն ընդհանուր դրույթներով ղեկավարվելու համար: Այդ մասին Երևանում մամլո ասուլիսում հայտարարել է Հայաստանի մարդու իրավունքների պաշտպան Արմեն Հարությունյանը:
Ինչպես նշել է Հարությունյանը, մարդու իրավունքների պաշտպանի նախագահությամբ արդեն ստեղծվել է 10 հոգուց կազված համապատասխան աշխատանքային խումբ, որը պետք է զբաղվի «Հեռուստատեսության և ռադիոյի մասին» ՀՀ օրենքով: «Այդ խմբի մեջ մտնում են հասարակական հատվածի ներկայացուցիչներ, համապատասխան պետական գերատեսչությունների 4 ներկայացուցիչներ, Հանրային խորհրդի մեկ ներկայացուցիչ և մարդու իրավունքների պաշտպանը»,- ասել է Արմեն Հարությունյանը:
Նրա խոսքերով, աշխատանքային խումբն իր առաջին նիստը կանցկացնի հոկտեմբերի 11-ին և այդպիսով կորոշի իր հետագա գործունեությունը: «Ես ինքս անձամբ կողմ են նրան, որ այդ խումբը հնարավորինս արագ ավարտի օրենքի մշակումը»,- նշել է Ա. Հարությունյանը:
