ՀՀ նախագահի 2011 թ. հունվարին ծրագրված պաշտոնական այցը Հունաստան կնպաստի քաղաքական երկխոսության ակտիվացմանը14 հոկտեմբերի 2010 - 15:25 AMT PanARMENIAN.Net - Աթենքում հոկտեմբերի 12-ին եւ 13-ին շարունակվեցին ՀՀ ԱԺ նախագահ Հովիկ Աբրահամյանի գլխավորած պաշտոնական պատվիրակության հանդիպումները Հունաստանի խորհրդարանում: Հայաստանի խորհրդարանի անդամները հանդիպեցին Հունաստանի խորհրդարանի փոխնախագահ տիկին Ռոդուլա Զիսիի, Եվրոպական հարցերի և Արտաքին հարաբերությունների մշտական հանձնաժողովների, Հունաստան-Հայաստան խորհրդարանական բարեկամության խմբի անդամների հետ: Ողջունելով ներկաներին` ՀՀ ԱԺ նախագահ Հովիկ Աբրահամյանը նշեց, որ Հայաստանի համար Հունաստանը ավանդական բարեկամ երկիր է: ԱԺ նախագահի խոսքով` հայ-հունական հարաբերությունների ներկայիս բարձր մակարդակը արդյունք է վերջին տարիներին կյանքի կոչված բազմաթիվ ծրագրերի: Դինամիկ զարգանում է համագործակցությունը հատկապես կրթական, մշակութային, ռազմական բնագավառներում: Հովիկ Աբրահամյանի խոսքով` Հայաստանի համար առանձնակի նշանակություն ունի տնտեսության տարբեր բնագավառներում Հունաստանի հետ համագործակցության առավել խթանումն ու ընդլայնումը: Այս ոլորտում մեծ դերակատարություն է վերապահված Հայաստանի և Հունաստանի միջև համագործակցության միջկառավարական հանձնաժողովին: ԱԺ նախագահը համոզմունք հայտնեց, որ ՀՀ նախագահի 2011 թ. հունվարին ծրագրված պաշտոնական այցը Հունաստան կնպաստի քաղաքական երկխոսության ակտիվացմանը եւ տնտեսական կապերի զարգացմանը: ՀՀ ԱԺ նախագահը շեշտեց, որ Հայաստանի քաղաքական առաջնահերթություններից է եվրոպական ընտանիքին ինտեգրվելը: ԱԺ նախագահը կարեւորեց նաև տարբեր միջազգային և տարածաշրջանային կազմակերպություններում, մասնավորապես, Եվրոպայի խորհրդի, ԵԱՀԿ-ի, ՆԱՏՕ-ի և ՍԾՏՀ խորհրդարանական վեհաժողովների շրջանակներում երկու երկրների խորհրդարանների սերտ համագործակցությունն ու փոխադարձ աջակցությունը: Հունաստանի խորհրդարանի փոխնախագահ տիկին Ռոդուլա Զիսին ողջունելով իր հայ գործընկերներին` նշեց, որ երկու ժողովուրդների ավանդական բարեկամությունը ամուր հիմք է հանդիսանում քաղաքական, առեւտրատնտեսական, գիտամշակութային համագործակցությունը զարգացնելու եւ ամրապնդելու համար: Նա նույնպես անդրադարձավ հայ եւ հույն ժողովուրդների ընդհանուր ճակատագրին, նշելով, որ երկու ժողովուրդներն էլ ստիպված են եղել լքել պատմական հայրենիքը եւ լավ գիտեն, թե ինչ է սփյուռքը: Ամեն տարի ապրիլի 24-ին հույները հայերի հետ միասին նշում են Հայոց ցեղասպանության տարելիցը եւ հարգում անմեղ զոհերի հիշատակը: Տիկին Զիսին նույնպես կարեւորեց միջխորհրդարանական կապերի աշխուժացման անհրաժեշտությունը` նշելով, որ Հովիկ Աբրահամյանի պաշտոնական այցը Հունաստան մեծապես կնպաստի փոխգործակցության խորացմանը, հայտնում է ԱԺ մամլո ծառայությունը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Կիրանցի բնակիչները դժգոհ են սահմանազատման արդյունքներից. Գյուղապետն ասել է՝ մինչև վերջ նրանց կողքին է Կառավարությունից ասել են, որ բնակիչներից մի քանիսի հետ կհանդիպեն Իջևանում ԱԺ նախկին պատգամավոր Ախոյանը կալանավորվել է ուրիշի գույքի առանձնապես խոշոր չափի հափշտակության համար Նախաքննությունը շարունակվում է Կառավարության շենքի մոտ ցույց է․ 3 բերման ենթարկված կա Նրանք բերման են ենթարկվել ոստիկանի օրինական պահանջը չկատարելու համար Փաշինյանը՝ սահմանազատման մասին. Տեղի ունեցածը համարում եմ մեծ հաջողություն Նա նաև կարևորել է, որ սահմանազատումն արվել է 1976 թվականի քարտեզներով |