ԵԱՀԿ ԽՎ նախագահ. Ղարաբաղյան հակամարտության կարգավորման ամենագործուն ձեւաչափը ԵԱՀԿ Մինսկի խումբն է14 հոկտեմբերի 2010 - 15:37 AMT PanARMENIAN.Net - ՀՀ ԱԺ նախագահ Հովիկ Աբրահամյանի գլխավորած պատվիրակությունը հանդիպումներ ունեցավ Հունաստանի խորհրդարանում ներկայացված քաղաքական ուժերի ղեկավարների հետ: Հաջորդաբար հանդիպումներ կայացան «Ձախ արմատական կոալիցիա» խմբի նախագահ Ալեքսիս Ցիպրասի, «Նոր ժողովրդավարություն՚»խմբակցության նախագահ Անտոնիս Սամարասի, «Հունաստանի Կոմունիստական կուսակցություն» խմբակցության ղեկավար տիկին Ալեգա Պապարիգայի եւ «Ազգային ուղղափառ միավորում» խմբի նախագահ Գեորգիոս Կարանցաֆերիսի հետ: Հանդիպումների ընթացքում քննարկվեց երկկողմ հետաքրքրություն ներկայացնող հարցերի լայն շրջանակ: Անդրադարձ եղավ հայ-թուրքական հարաբերություններին եւ ղարաբաղյան հակամարտության կարգավորմանը: Հայ եւ հույն պատգամավորները կարեւորեցին միջխորհրդարանական համագործակցության ակտիվացումը եւ փոխգործակցությունը միջազգային տարբեր կառույցներում: Հոկտեմբերի 13-ին Հովիկ Աբրահամյանի գլխավորած պատվիրակությունը հանդիպեց ԵԱՀԿ Խորհրդարանական վեհաժողովի նախագահ Պետրոս Էվթիմիուի հետ: ԱԺ նախագահը հույս հայտնեց, որ պարոն Էվթիմիուի պաշտոնավարման ընթացքում Հայաստանի Ազգային ժողովի և ԵԱՀԿ խորհրդարանական վեհաժողովի միջև հաստատված ջերմ համագործակցությունը կշարունակի զարգանալ: Նա բարձր գնահատեց ԵԱՀԿ խորհրդարանական վեհաժողովի դերը միջխորհրդարանական երկխոսության զարգացման գործում: Հովիկ Աբրահամյանը նշեց, որ Հայաստանը մեծապես կարևորում է համագործակցությունը ԵԱՀԿ-ի հետ: Նա նշեց, որ ՀՀ Ազգային ժողովը կարևորում է ԵԱՀԿ երևանյան գրասենյակի հետ արդյունավետ համագործակցությունը եւ գոհունակությամբ փաստեց, որ այն լավ հիմքերի վրա է դրված, ինչը տարիների ընթացքում տվել է իր դրական արդյունքները: Հովիկ Աբրահամյանը կարևորեց Լեռնային Ղարաբաղի հակամարտության խաղաղ կարգավորման գործընթացը մշտապես ԵԱՀԿ խորհրդարանական վեհաժողովի ուշադրության կենտրոնում պահելու փաստը եւ այս համատեքստում ընդգծեց ղարաբաղյան հակամարտության կարգավորման գործընթացում ԵԱՀԿ Մինսկի խմբի համանախագահների միջնորդությունը` որպես բանակցային գործընթացի միակ և գործուն ձևաչափ: Հայաստանը հետամուտ է խնդրի կարգավորմանը միայն խաղաղ ճանապարհով և կարևորում է վստահության մթնոլորտի հաստատումը` բանակցությունները կառուցողական ուղով շարունակելու համար: ԵԱՀԿ Խորհրդարանական վեհաժողովի նախագահ Պետրոս Էվթիմիուն կարեւորեց ՀՀ ԱԺ նախագահի այցը Հունաստան` նշելով, որ երկու ժողովուրդների դարերից եկող բարեկամությունը այժմ էլ խորանում եւ ամրապնդվում է, ինչին մեծապես նպաստում են երկու երկրների համայնքները: Անդրադառնալով ԼՂ հիմնախնդրի կարգավորմանը` պարոն Էվթիմիուն շեշտեց, որ հարցի խաղաղ կարգավորումը այլընտրանք չունի: Նա նշեց, որ հակամարտության կարգավորման ամենագործուն ձեւաչափը ԵԱՀԿ Մինսկի խումբն է եւ ԵԱՀԿ խորհրդարանական վեհաժողովը աջակցում է Մինսկի խմբի գործունեությանը: Ըստ ԵԱՀԿ ԽՎ նախագահի` հարցը չի կարելի տեղափոխվել այլ կառույց: Հանդիպման ընթացքում քննարկվեցին երկկողմ հետաքրքրություն ներկայացնող այլ հարցեր եւս: Պարոն Աբրահամյանը ԵԱՀԿ ԽՎ-ի նախագահին հրավիրեց Հայաստան, հրավերը սիրով ընդունվեց: Հոկտեմբերի 13-ի երեկոյան ԱԺ նախագահի գլխավորած պատվիրակությունը հանդիպեց հունահայ համայնքի ներկայացուցիչների հետ: Հանդիպումից հետո ԱԺ նախագահը մասնակցեց ՀՀ անկախության 19-րդ տարեդարձին նվիրված ընդունելությանը եւ հանդես եկավ ելույթով: Հոկտեմբերի 14-ին ՀՀ ԱԺ նախագահ Հովիկ Աբրահամյանի գլխավորած պաշտոնական պատվիրակությունը Հունաստանից կմեկնի Կիպրոս, հաղորդում է ՀՀ ԱԺ հասարակայնության եւ տեղեկատվության միջոցների հետ կապերի վարչությունը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնում Փաշինյանը՝ Ադրբեջանի հետ խաղաղ գործընթացի մասին. Տիեզերք թռիչքները ևս անիրական էին թվում Նա ընդգծել է, որ ՀՀ ռազմավարությունն ուղղված է տարածաշրջանի հարևանների հետ տնտեսական ինտեգրման խորացմանը Ուրուգվայի Ներկայացուցիչների պալատը միաձայն ընդունել է ապրիլի 24-ը Հայոց ցեղասպանության հիշատակի օր հռչակող օրինագիծը Նախաձեռնությունը Սենատի կողմից հավանության էր արժանացել մայիսի 7-ին ՀՀ–ն և Սլովակիան պայմանավորվել են ռազմատեխնիկական գործակցության շուրջ Կարեն Բրուտյանի գլխավորած պատվիրակությունը Բրատիսլավայում է |