Ֆինանսիստների ու բանկատերերի համահայկական խորհրդաժողովում փորձի փոխանակությունը սկիզբ կդնի նոր նախագծերին

19 հոկտեմբերի 2010 - 19:39 AMT

PanARMENIAN.Net - «Մենք հետաքրքրված ենք Հայաստանի հետ փորձի փոխանակության և ֆինանսների ու արդյունաբերության ոլորտներում համագործակցության հարցում»,- PanARMENIAN.Net ի թղթակցին ասել է «Cedarpeak» հոլդինգի ղեկավար Ալեն Բալյանը, որը մասնակցում էր Երևանում Ֆինանսիստների ու բանկատերերի համահայկական առաջին խորհրդաժողովին:

Մասնավորապես, նա Հայաստանում ներդրումների համար հետաքրքիր է անվանել ֆինանսների և ապահովագրության ոլորտները: «Ներկա պահին մենք հետագա ծրագրերի մշակման համար հետազոտում ենք հայկական շուկան և երկրի օրենսդրությունը»,- ավելացրել է նա:

Ընդ որում, Ալեն Բալյանն ասել է, որ Սփյուռքի նախարարությունը խիստ շահագրգռված է Սփյուռքի ներկայացուցիչների միջև երկխոսության կազմակերպման գործում: Նա գտնում է, որ խորհրդաժողովի մասնակիցների միջև կարծիքների և փորձի փոխանակությունը սկիզբ կդնի նոր նախագծերին:

Ֆինանսիստների ու բանկատերերի համահայկական առաջին խորհրդաժողովը կայացավ հոկտեմբերի 17-ից 19-ը Երևանում: Միջոցառման կազմակերպիչներն էին Հայաստանի Սփյուռքի նախարարությունը` Հայաստանի Կենտրոնական բանկի և Հայաստանի Բանկերի միության հետ համատեղ:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով