Ջրածածկ ծառերի հեռացման համար նախատեսված Water master հատուկ ֆիննական սարքավորումները մոտակա օրերին կհասցվեն Հայաստան և անմիջապես կսկսվեն լճի ափերի մաքրման աշխատանքները, հոկտեմբերի 20-ին Երևանում լրագրողներին է ասել Հայաստանի բնապահպանության նախարար Արամ Հարությունյանը:

Ընդ որում, անդրադառնալով լճափի շուրջ 520 շինությունների ապամոնտաժմանը, նախարարն ասել է, որ այդ նպատակով հոկտեմբերի 19-ին ձևավորվել է աշխատանքայի խումբ, որն ուսումնասիրելու է այդ կառույցները: Ըստ նրա, շուրջ 8-10 շինություն արդեն ապամոնտաժվել է:

Հոկտեմբերի 19-ին լճի խնդիրներին ծանոթացել է Գլոբալ էկոլոգիական հիմնադրմի նախագահ Մոնիկ Բարբութը, որն, ըստ նախարարի, նշել է Սևանի մաքրությունն ու ջրի պարզությունը: