  Երևանում կայացավ պաշտպանական բարեփոխումներին նվիրված կոլեգիայի նիստ 22 հոկտեմբերի 2010 - 20:19 AMT PanARMENIAN.Net - Սեպտեմբերի 22-ին ՀՀ պաշտպանության նախարարությունում տեղի ունեցավ պաշտպանության նախարարին կից կոլեգիայի նիստ` նվիրված պաշտպանական բարեփոխումների ընթացքին, առկա խնդիրներին և դրանց լուծման ուղիներին: ՀՀ պաշտպանության նախարար Սեյրան Օհանյանը բացման խոսքում նշեց, որ ՀՀ պաշտպանական բարեփոխումների նպատակը քաղաքացիական վերահսկման և պաշտպանական պլանավորման ու կառավարման ժողովրդավարական հիմնարար սկզբունքների վրա հիմնված, արդիական ռազմական պահանջներին համապատասխանող, առավել ճկուն և ժամանակակից պաշտպանության համակարգի ստեղծումն է: Միաժամանակ ՀՀ պաշտպանության նախարարը կարևորեց ռազմավարական զսպման համակարգի ամրապնդումը` ՀՀ զինված ուժերի կողմից խաղաղության պարտադրման քաղաքականությունը շարունակելու նպատակով: Սեյրան Օհանյանն անդրադարձավ նաև պաշտպանական քաղաքականության վերաբերյալ հանրային իրազեկման մեխանիզմների կատարելագործման անհրաժեշտության: Կոլեգիայի նիստի ընթացքում հիմնական զեկույցով հանդես եկավ ՀՀ պաշտպանության նախարարի առաջին տեղակալ Դավիթ Տոնոյանը` ներկայացնելով պաշտպանական բարեփոխումների առկա փուլի արդյունքները և հետագա անելիքները: ՀՀ զինված ուժերի երկարաժամկետ զարգացումն ապահովելու համար Դավիթ Տոնոյանը հատկանշեց բարեփոխումների անհրաժեշտությունը ռազմական կրթության ոլորտում: ՀՀ ԶՈՒ ԳՇ ռազմավարական պլանավորման վարչության պետ, գնդապետ ՀՀ ԶՈՒ ԳՇ ռազմավարական պլանավորման վարչության պետ, գնդապետ Գ.Տավարածյանն իր հարակից զեկույցում անդրադարձավ զինված ուժերի զորային կառույցի բարեփոխումների, արագ արձագանքման կարողությունների ընդլայնման խնդիրներին` նախանշելով առաջիկա անելիքները: Կոլեգիայի նիստի ընթացքում ելույթ ունեցան նաև մի շարք ոլորտների պատասխանատուներ, տեղի ունեցավ կարծիքների փոխանակում: Ամփոփելով կոլեգիայի նիստը` ՀՀ պաշտպանության նախարարն ընդհանուր առմամբ դրական գնահատեց պաշտպանական բարեփոխումների նախորդ փուլում կատարված աշխատանքը և ՀՀ ՊՆ և ԶՈՒ ԳՇ հրամանատարական ղեկավար կազմին համապատասխան հրահանգեր ու ցուցումներ տվեց` պաշտպանական բարեփոխումները պատշաճ կերպով շարունակելու նպատակով հիմնական շեշտադրումը կատարելով կադրային քաղաքականության և պլանավորման, ծրագրավորման և բյուջետավորման համակարգի վրա, հաղորդում է ՀՀ ՊՆ տեղեկատվության և հասարակայնության հետ կապերի վարչությունը:   Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը   Ամենաընթերցվողը բաժնում |  Վերջին լուրեր Համաշխարհային բանկը կաջակցի ՀՀ անտառների, ջրաճահճային տարածքների ու լանդշաֆտների վերականգնմանը  Ծրագրի նպատակն է ընդլայնել կայուն կառավարման ներքո գտնվող տարածքներըՀՀ-ն ու Իսպանիան կգործակցեն սպորտի ոլորտում․ Հուշագիր է ստորագրվել Կողմերը կհամագործակցեն նաև մասնագետների, տեխնիկական անձնակազմի և փորձագետների փոխանակման շրջանակումՌուբեն Վարդանյանի ուղերձը «Ավրորային»․ Ավելի, քան երբևէ, համոզված եմ` արժեքներն ու սկզբունքներն ավելի կարևոր են, քան նույնիսկ կյանքը «Արցախ տեղափոխվելու որոշումս կայացրեցի «Ավրորա»-ի հերոսների շնորհիվ»,–նշել է նաև Բաքվի բանտից ուղարկված ուղերձումԿիրանց-Ոսկեպար ճանապարհը կրկին փակ է․ Մտահոգությունները պահպանվում են Գյուղացիներին ամենաշատը մտահոգում է կամրջի հատվածը |
