Հայաստանի էկոնոմիկայի նախարարության և «Ազգային համագործակցություն» հասարակական կազմակերպության նախաձեռնությամբ կստեղծվի «Ազգային համագործակցության ցանց» ինտերնետ պորտալը:
Ըստ Հայաստանի էկոնոմիկայի նախարարի գրասենյակի ղեկավար Անահիտ Խեչոյանի, կայքի ստեղծման նպատակներից մեկն է տեղեկատվական հասարակության ձևավորումը, բոլոր հայերի միավորումը՝ մեր արժեքները աշխարհին ներկայացնելու համար: «Դա կլինի հայկական աշխարհի էլեկտրոնային տարբերակը: Քանի որ ցանցը չի կարող ինքնուրույն աշխատել, որոշվել է ստեղծել «Ազգային համագործակցության հիմնադրամ», որի նախագիծը առաջիկայում կներկայացվի կառավարությանը»,-ասել է նա:
Իր հերթին «Ազգային համագործակցություն» հասարակական կազմակերպության նախագահ Արշակ Սադոյանն ասել է, որ կայքում կկազմակերպվի տարբեր ծառայությունների տրամադրում: «Մենք նախատեսում ենք կայքում ստեղծել գյուղմթերքի վիրտուալ շուկա: Կայքում նախատեսվում է ստեղծել գյուղատնտեսական մթերքի վիրտուալ շուկա, ինչը թույլ կտա նվազեցնել գները 1,5 անգամ»,-ասել է նա: Ըստ նրա, ցանցը թույլ կտա այլ երկրների բանկիչներին ծանոթանալ Հայաստանի մշակութային արժեքների հետ, բարենպաստ պայմաններ ստեղծել երկրում ուսման և հանգստի համար և այլն:
