Արման Մելիքյանը գտնում է, որ 2012թ. խորհրդարանական ընտրությունները կեղծվելու են
Առաջիկա խորհրդարանական ընտրություններում կհաղթի այն քաղաքական ուժը, որը կկարողանա առավելագույնս կեղծել ընտրությունները: Այդ մասին Երևանում կայացած մամլո ասուլիսում հայտարարել է Արցախի Հանրապետության ԱԳ նախկին նախարար Արման Մելիքյանը: Ըստ Մելիքյանի, 2012թ. խորհրդարանական ընտրությունները ևս կկեղծվեն և իշխանությունները կհասնեն ցանկալի արդյունքի:
Իր հերթին ՀՀԿ խորհրդարանական խմբակցության անդամ Համլետ Հարությունյանը հայտարարել է, որ առաջիկա ընտրություններում կհաղթի այն կուսակցությունը, որն այս տարիներին աշխատել է հանուն Հայաստանի զարգացման: «Ես չեմ հայտարարի, թե հաղթելու ինչ շանսեր ունի այս կամ այն կուսակցությունը և դեմ եմ նման հայտարարություններին»,-ասել է պատգամավորը:
