Բրյուսելում` «Հայաստանի եվրոպական բարեկամներ» (EuFoA) ՀԿ-ի գրասենյակում, նոյեմբերի 16-ին կայացել է քննարկում, որին մասնակցել է Հայաստանի մարդու իրավունքների պաշտպան Արմեն Հարությունյանը: Քննարկման ընթացքում, որը կազմակերպվել է EuFoA-ի և Համահայկական բարեգործական միության (AGBU) կողմից, մասնակիցները բարձր են գնահատել Արմեն Հարությունյանի աջակցությունը Հայաստանի ժողովրդավարեցման գործընթացին:
«Հայաստանը հետխորհրդային շատ երկրների նման չի խուսափել քաղաքական և տնտեսական համակարգերի խնդիրներից: Եթե մենք ցանկանում ենք, որպեսզի մեր երկրում հաստատվի օրենքի գերակայությունը, հարգվեն մարդու իրավունքները, մենք պետք է հաղթահարենք այդ խնդիրները»,- ասել է Հարությունյանը:
Իր հերթին, EuFoA Մայքլ Քամբեկը նշել է, որ Հայաստանը ճիշտ ուղու վրա է, բայց անհրաժեշտ է ավելին անել` քաղաքական և տնտեսական համակարգերում առաջընթաց արձանագրելու համար:
