2010թ. զբոսաշրջիկների հոսքը Իրանից Հայաստան կրկնապատկվել է

17 նոյեմբերի 2010 - 16:08 AMT

PanARMENIAN.Net - Ըստ զբոսաշրջության զարգացման հայեցակարգի, նախատեսվում է մինչև 2030թ. զբոսաշրջիկների այցելությունների քանակը հասցնել 3 միլիոնի այսօրվա 600 հազարի փոխարեն, Երևանում կայացած մամլո ասուլիսում հայտարարել է ՀՀ էկոնոմիկայի նախարարության զբոսաշրջության և տարածքային տնտեսական զարգացման վարչության պետ Մեխակ Ապրեսյանը: Նրա խոսքերով, երկիրը շատ ավելի շուտ կհասնի այդ ցուցանիշին: «Ես հուսով եմ, որ առաջիկա տարիներին մենք կվերադառնանք երկրում զբոսաշրջության աճի մինչճգնաժամային ցուցանիշներին՝ 20-25 տոկոս, որը գրանցվել է 2001-2007թթ.: Ակնկալվում է նաև Իրանից և այլ երկրներից զբոսաշրջիկների հոսքի աճ, ինչին կնպաստի նաև «Տաթևի թևեր» նախագիծը»,-ասել է Ապրեսյանը:

Ըստ նրա, վերջին 2-3 տարում զբոսաշրջիկների հոսքը Իրանից Հայաստան աճում է՝ ընթացիկ տարվա հունվար-սեպտեմբեր ամիսներին ՀՀ այցելած 488 հազար զբոսաշրջիկներից 80 հազարը ժամանել էին Իրանից, ընդ որում, նախորդ տարի այդ ցուցանիշը կազմում էր 40 հազար:

Մ.Ապրեսյանը հայտնել է նաև, որ ըստ հարցումների յուրաքանչյուր զբոսաշրջիկ Հայաստանում միջին չափով ծախսում է 700-800 դոլար, սակայն, ըստ նրա, այդ ցուցանիշը 1000 դոլարից քիչ չէ:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով