Օլեգ Գաբրիելյանն ընտրվեց Սիմֆերոպոլի քաղխորհրդի պատգամավոր
«Լույս» հիմնադրամի ղեկավար Օլեգ Գաբրիելյանն ընտրվեց Սիմֆերոպոլի քաղխորհրդի պատգամավոր: Նա «Ռեգիոնների կուսակցության» ցուցակի 2-րդ համարի տակ մտավ քաղխորհրդի նոր կազմի մեջ:
Օլեգ Գաբրիելյանը նաև մշակույթի, տուրիզմի և միջազգային հարաբերությունների ներդաշնակեցման մշտական հանձնաժողովի նախագահ դարձավ:
Օլեգ Գաբրիելյանը Ղրիմի Քաղաքագետների ասոցիացիայի համանախագահն է, փիլիսոփայական գիտությունների դոկտոր, պրոֆեսոր, Ուկրաինայի Մշակույթի վաստակավոր գործիչ, Ղրիմի Մշակույթի, արվեստների և տուրիզմի համալսարանի ռեկտոր, բազմաթիվ հոդվածների, ալմանախների ու մենագրությունների հեղինակ, որոնց թվում` «Քաղաքական գործընթացները Ղրիմում: XX դարի վերջին տասնամյակը», «Ղրիմի հայրենադարձները: Վերադարձ, տեղավորում և ադապտացիա» և այլն:
