  ՀՀ ԱԺ. Երևանը կշարունակի Հայոց ցեղասպանության միջազգային ճանաչման գործընթացը 24 նոյեմբերի 2010 - 12:04 AMT PanARMENIAN.Net - «Յուրաքանչյուր պետություն ձգտում և ցանկանում է ապրել հարևանների հետ հաշտ և խաղաղ, զարգացման միտում դրսևորող տարածաշրջանում: Հենց նման մղումներից ելնելով` անցյալ տարի Հայաստանն ի դեմս նախագահ Սերժ Սարգսյանի պատրաստակամություն հայտնեց կարգավորել հարաբերությունները հարևան Թուրքիայի հետ»,- ելույթ ունենալով Սիրիայի Ազգային ժողովում` հայտնել է Հայաստանի խորհրդարանի խոսնակ Հովիկ Աբրահամյանը: Նրա խոսքով, Ցյուրիխում հայ-թուրքական հարաբերությունների կարգավորմանն ուղղված երկու արձանագրությունների ստորագրումից կարճ ժամանակ անց Թուրքիայի իշխանությունները բացահայտ սկսեցին նախապայմաններ առաջադրել ոչ միայն Հայաստանին, այլև բոլոր նրանց, ովքեր ներկա էին հիշյալ փաստաթղթերի ստորագրման արարողությանը: Հայաստանի ԱԺ խոսնակի խոսքով, չնայած Հայոց ցեղասպանության փաստին, Երևանը համաձայնեց կարգավորել հարաբերությունները Թուրքիայի հետ: Նա ավելացրեց, որ այս պարագայում ավելի քան արդարացված ու տեղին էր Հայաստանի նախագահ Սերժ Սարգսյանի որոշումը` ժամանակավորապես առկախել հայ-թուրքական արձանագրությունների վավերացման գործընթացը Հայաստանի Հանրապետության Ազգային ժողովում: «Թուրքիան պետք է քաղաքական կամք ու պարկեշտություն ունենա շարունակելու կարգավորման գործընթացը, հրաժարվելու նախապայմաններից և վավերացնելու արձանագրություններն իր խորհրդարանում: Միայն այս պարագայում Հայաստանը կվերադառնա արձանագրությունների վավերացմանը»,- ասել է Աբրահամյանը` ընդգծելով, որ ոչ այդ գործընթացը, ոչ էլ Թուրքիայի հետ հարաբերությունների հաստատումը չեն նշանակում, թե Հայաստանը կասկածի տակ է դնում Հայոց ցեղասպանության փաստը: Ավելին, շարունակելու է հետամուտ լինել պատմական արդարության վերականգնմանը, Հայոց ցեղասպանության միջազգային ճանաչման գործընթացի ամբողջականացմանը, հասնելու միջազգային հանրության կողմից համընդհանուր դատապարտման, հաղորդում է ՀՀ ԱԺ հասարակայնության հետ կապի ծառայությունը:   Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար Շատերը զրկվել են տանիքից և գիշերում են փողոցում   |  Սյուժեներ Վերջին լուրեր ՀՀ նախագահն ԱՄՆ-ում հանդիպել է կուսակցությունների ներկայացուցիչների հետ  Նա մանրամասներ է հայտնել Հայաստանի և Ադրբեջանի միջև ընթացքող սահմանազատման գործընթացի վերաբերյալՍամվել Բաբայան․ Նիկոլին սարքել եք անփոխարինելի, փողոցից ում էլ բռնեն՝ իրենից վատ վարչապետ չի լինի, թող հրաժարական տա Նա ասել է, որ պետք է գնալ նոր ընտրություններիՄիրզոյանն ու Բայրամովը ողջունել են առաջընթացը սահմանազատման հարցում և պայմանավորվել շարունակել բանակցությունները Բանակցությունները կշարունակվեն բաց հարցերի շուրջ, որտեղ դեռ կան տարաձայնություններՈստիկանի արձագանքը քաղաքացիների հարցին․ «Բիրտ ուժ երևի չեք տեսել» Բերման են ենթարկել խաղաղ անհնազանդության ակցիա իրականացնող քաղաքացիներ, որոնք նստած էին մայթին |
