ՖԻԴԵ-ն պաշտոնապես հայտարարեց, որ աշխարհի չեմպիոնի կոչման հավակնորդների մրցախաղերը Ռուսաստանի Կազան քաղաքում կանցկացվեն 2011 թ. մայիսի 3-27-ը: Ութ գրոսմայստերները` Թոփալովը, Կարլսենը, Կրամնիկը, Արոնյանը, Գելֆանդը, Մամեդյարովը, Ռաջաբովը և Կամսկին, պետք է մինչեւ 2010 թ. դեկտեմբերի 22-ը հաստատեն իրենց մասնակցությունը: Հրապարակվել են նաև պահեստային մասնակիցների անունները` Գրիշչուկ, Յակովենկո, Վան Յու:

Այսպիսով, եթե Կարլսենը, այնուամենայնիվ, խաղա, Արոնյանի մրցակիցը առաջին փուլում կլինի Գելֆանդը, իսկ եթե նորվեգացին հաստատի իր հրաժարականը, Լևոնը կհանդիպի Գրիշչուկի հետ, հաղորդում է armchess.am-ը: