Մոսկվայում տեղի կունենա «Արտույտների ագարակը» ֆիլմի նկարահանման գործընթացի մասին փաստագրական ֆիլմի պրեմիերան
Դեկտեմբերի 2-ին Մոսկվայում կայանալու է իտալացի ռեժիսոր Պաոլո Մանչինիի փաստագրական ֆիլմի պրեմիերան Պաոլո և Վիտորիո Տավիանիների «Արտույտների ագարակը» ֆիլմի նկարահանման գործընթացի և աշխատանքի մասին:
Միջոցառման կազմակերպիչներն են Ռուսաստանի Հայերի միությունը, Մոսկվայի հայկական թատրոնը և «Ռոլան» կինոթատրոնը: Տավիանի եղբայրներն իրենց ֆիլմի համար 2007-ին Երևանում «Ոսկի ծիրան» փառատոնի շրջանակներում ստացել են ՀՀ նախագահի մրցանակը «Ցեղասպանության միջազգային ճանաչման գործում ունեցած ավանդի համար»:
Պրեմիերայից հետո կկայանա հանդիպում փաստագրական ֆիլմի ռեժիսոր և մոնտաժի ռեժիսոր` Պաոլո Մանչինիի հետ:
