Ուլի Վեգները` IBF վարկածով նախկին չեմպիոն Արթուր Աբրահամի մարզիչը, կարծում է, որ երկրորդ միջին քաշային կարգում WBC վարկածով չեմպիոն բրիտանացի Կարլ Ֆրոչի դեմ մենամարտը կդառնա երկու կամային բռնցքամարտիկների պայքար:
«Մենք պարտավոր ենք հաղթել Հելսինկիի մարտում, չէ որ Ֆրոչի դեմ հաղթանակի դեպքում Արթուրը կարող է շատ զգալի հաջողության հասնել իր կարիերայում և դառնալ աշխարհի չեմպիոն երկու տարբեր քաշային կարգերում»,- ասել է Վեգները sportbox.ru-ին տված հարցազրույցում: «Մեր թիմի համար գալիք շաբաթները շատ կարևոր են: Այդ մարտի նախապատրաստության ժամանակ ինձ մոտ տպավորություն է ստեղծվել, որ Արթուրը հստակ գիտակցել է, թե որքան լուրջ փորձություն է նրան սպասում Հելսինկիում: Ֆրոչը կամային բռնցքամարտիկ է, սակայն Աբրահամը նպատակամղված պատրաստվում է այդ կարևոր մարտին»,- ասել է նա:
Վեգները կարծում է, որը այս մենամարտում հաղթելու է նա, ով ավելի շատ է ցանկանում հաղթել. «Բրիտանացին դեռ չի գիտակցում, թե որքան ուժեղ է Աբրահամի հարվածը»:
