Միացյալ Նահանգները մտադիր են ավելացնել իրենց ռազմական օժանդակությունը Ադրբեջանին: Այդ մասին հայտարարել է ԱՄՆ-ում Ադրբեջանի դեսպան Հաֆիզ Փաշաեւը: Նրա խոսքերով, պայմանավորվածությունն այդ մասին ձեռք է բերվել ադրբեջանական պատվիրակության վերջերս ԱՄՆ կատարած այցի ընթացքում: Կողմերը, մասնավորապես, նախատեսում են ամրապնդել համագործակցությունը Ադրբեջանի համազորային պատրաստության, ինչպես նաեւ ջրային եւ օդային սահմանների հսկողության բնագավառներում: