Հայաստանը ցանկանում է հասկանա՞լ, թե ուր է գնում Եվրոպան

Հայաստանը ցանկանում է հասկանա՞լ, թե ուր է գնում Եվրոպան

PanARMENIAN.Net - Արագ փոփոխվող աշխարհում Հայաստանը պետք է հասկանա, թե ինքնակազմակերպման որ ճանապարհով է պետք գնալ, ասել է ՀՀ վարչապետ Տիգրան Սարգսյանը՝ ելույթ ունենալով նոյեմբերի 26-27-ը Երևանում ընթացող «Եվրոպական հեռանկարները Արևելյան գործընկերության ծրագրի շրջանակներում» խորագրով խորհրդաժողովում: Ըստ նրա, ԵՄ ձգտելու ճանապարհին Հայաստանը մտադիր է ինստիտուցիոնալ բարեփոխումներ անցկացնել, որպեսզի ժողովրդի ինքնակազմակերպումը համապատասխանի այն արդյունավետ ինքնակազմակերպմանը, որը հատուկ է այսօրվա Եվրոպային: «Սակայն, մյուս կողմից մենք չպետք է կրկնենք այն, ինչը կա, հակառակ դեպքում մշտապես ետ կմնանք»,-ասել է նա:

Վարչապետը որպես օրինակ նշել է այն անդունդը որ կա զարգացած ու զարգացող երկրների միջև, որը մշտապես աճում է, չնայած նրան, որ միջազգային կառույցները անընդհատ ձգտում են կրճատել այդ անդունդը: «Կրկնելն արդեն բավարար չէ, մենք պետք է հասկանանք, թե ո՞ւր է գնում Եվրոպան: Այստեղ մենք տեսնում ենք լուրջ հիմնարար խնդիրներ»,-ասել է նա: Այդ տեսակետից, ըստ Տիգրան Սարգսյանի, հայ ժողովուրդը պետք է ուշադրությունը սևեռի այն արժեքների վրա, որոնց կրողն ինքն է հանդիսանում և դրանից ելնելով ընտրի ինքնակազմակերպման իր ուղեգիծը, որը, միևնույն ժամանակ այլընտրանք չէ եվրոպական ուղղությանը:

Միևնույն ժամանակ վարչապետը ուշադրությունը հրավիրել է այն հանգամանքի վրա, որ ժամանակակից աշխարհը մրացկցությունը տեղափոխում է մտավոր դաշտ և մրցունակ են այն ժողովրդները, որոնք գիտատար հասարակություն ունեն:

 Ուշագրավ
Նա նշել է, որ այժմ միայն ինստիտուցիոնալ բարեփոխումներ և բովանդակային աշխատանք պետք է արվի
Նա նշել է, որ երկրների միջև ռազմատեխնիկական համագործակցությունը երկար ավանդույթ ունի
Նա չկար ՀՀ վերադարձած հայ գերիների թվում, թեև ավելի վաղ Ադրբեջանում հրապարակած ցուցակում նրա անունն ընդգրկված էր
Փաշինյանի հեռախոսազրույցը Ղազախստանի նախագահ Կասիմ-Ժոմարտ Տոկաևի հետ
---