ԱՄՆ Պետդեպարտամենտի գաղտնի փաստաթղթերի հազարավոր էջեր հրապարակելու WikiLeaks-ի որոշումը անհարմար դրությամն մեջ կդնի շատ դիվանագետների և քաղաքական գործիչների: Սակայն, դա այնքան էլ բարձր գին չէ՝ տեղեկատվության մատչելիությունը կարևոր բան է: Այդ մասին հաղորդում է ВВС-ին՝ հղում անելով Financial Times թերթին:
«Եթե ընտրողներին հայտնի են բոլոր այն փաստերը, որ անում են իրենց կառավարությունները, նրանք կարող են պատասխանատվության կանչել նրանց: Դրանից բխում է, որ ցանկացած պաշտոնական տեղեկատվություն պետք է հանրությանը հասանելի լինի: Պետությունները պետք է կարողանան արդյունավետ վարել իրենց քաղաքականությունը և պաշտպանել իրենց քաղաքացիներին: Ուստի տեղեկատվության մի մասը պետք է գաղտնի մնա: Այդ կազմակերպության կառուցվածքը իրականում անհասանելի է դարձնում նրան ցանկացած երկրի օրենքների համար»,-ասվում է FT հոդվածում:
Հրապարակման մեջ ասվում է նաև, որ կառավարությունները չեն կարող հուսալ, որ WikiLeaks-ի նման կազմակերպությունները կանհետանան Երկրի երեսից: «Նրանք պետք է հարմարվեն նոր իրողություններին և գտնեն տեղեկատվության հավաքման ու տարածման այլընտրանքային միջոց: Իր կողմից WikiLeaks-ը պետք է պատասխանատվությամբ վերաբերվի իր աշխատանքին: WikiLeaks-ը նույնպես մտահոգություն է առաջացնում, քանի որ այդ կազմակերպության կառուցվածքը անհասանելի է դարձնում նրան ցանկացած երկրի օրենքների համար: Դա իրական իշխանություն է տալիս WikiLeaks-ին և նվազագույն պատասխանատվություն իր գործողությունների համար»,-գրում է FT-ն:
