Բաքուն Հայաստանին կոչ է անում շարունակել Լեռնային Ղարաբաղի շուրջ խաղաղ բանակցությունները և նախատեսում է, որ հակամարտությունը կկարգավորվի ամենասեղմ ժամկետներում: Այդ մասին Աստանայում հայտնել է Ադրբեջանի նախագահ Իլհամ Ալիևը:
Ելույթ ունենալով ԵԱՀԿ անդամ երկրների պատվիրակությունների ղեկավարների առջև` Ալիևը բողոքեց, թե «Հայաստանը, իբր, ուժ է կիրառում Ղարաբաղի նկատմամբ հսկողությունը պահպանելու համար, իսկ Ադրբեջանը զբաղված է հակամարտության խաղաղ կարգավորմամբ` նախատեսելով, որ այն արդյունք կտա»:
Նրա խոսքով, հակամարտության լուծումը պետք է հիմնված լինի միայն միջազգային իրավունքի նորմերի և սկզբունքների պահպանման վրա:
«Սակայն Հայաստանն ամենասեղմ ժամկետներում հակամարտության կայուն լուծումը գտնելու նպատակով բարի կամքի մթնոլորտում բանակցություններ վարելու փոխարեն գերադասում է գնալ անկանխատեսելի հետևանքներով հակամարտությունը սրելու ճանապարհով»,- ասել է Ալիևը, հաղորդում է ՌԻԱ Նովոստին:
