Աբել Աղանբեգյան. Էներգետիկայի ոլորտը Հայաստանի տնտեսության զարգացման գերակա ուղղությունն է 6 դեկտեմբերի 2010 - 17:47 AMT PanARMENIAN.Net - Էներգետիկայի ոլորտը Հայաստանի տնտեսության զարգացման գերակա ուղղությունն է, գտնում է ՌԴ գիտությունների ակադեմիայի ակադեմիկոս Աբել Աղանբեգյանը: Ըստ նրա, Հայաստանի հարևան երկրները էլեկտրաէներգիայի կարիք ունեն, ուստի հարկավոր է զարգացնել էլեկտրաէներգիայի արտադրության բոլոր հնարավոր ուղղությունը և արտահանել հարևան երկրներ: Երկրորդ գերակա ուղղությունը ակադեմիկոսը համարել է ՏՏ ոլորտը: «Այդ ուղղությամբ Հայաստանը հսկայական հնարավորություններ ունի, որոնք չեն օգտագործվում: Երկրում նույնիսկ չկա գործակալություն, որը զբաղվում է այդ հարցերով»,-դեկտեմբերի 6-ին ասել է ակադեմիկոս Աղանբեգյանը Երևանում: Աղանբեգյանը գտնում է, որ լավ հնարավորություններ կան լեռնահանքային ոլորտում և բնակարանաշինության ոլորտում: «Բնակարանները հարկավոր է էժանացնել, չէ որ բնակարանների 90 տոկոսը կառուցվում է Երևանում, իսկ մարզերում շինարարություն գրեթե չի ընթանում»,-հավելել է նա: Բացի այդ, ըստ փորձագետի, Հայաստանում փոքր ու միջին ձեռնարկատիրությունը փակուղում է հայտնվել, այն դեպքում, երբ ժողովուրդն այստեղ ձեռներեց է, սակայն, նա ստիպված է իր գործը զարգացնել այլ երկրներում: Բացի այդ, շատ կարևոր է երկրի համար զբոսաշրջության և գյուղարդյունաբերական համալիրի զարգացումը: «Զբոսաշրջության համար հարկավոր է զարգացնել ենթակառուցվածքները, կառուցել ոչ թե հինգաստղանի հյուրանոցներ, այլ ավելի մատչելի: Հարկավոր է ներգրավել նաև բնակչությանը, որպեսզի բացվեն փոքր հյուրանոցներ: Հարկավոր է կառուցել ճանապարհներն ու լուծել բազում այլ հարցեր»,-ասել է նա: Աղանբեգյանը հավելել է, որ յուրաքանչյուր թվարկած կետի արժեքը 1 մլրդ դոլար է, ընդ որում, որ Հայաստանի ՀՆԱ-ն 2009թ. կազմել է շուրջ 9 մլրդ դոլար: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Դորտմունդի «Բորուսիան» հետաքրքրված է Սպերցյանով Սպերցյանի ներկայիս աշխատանքային պայմանագիրն ակումբի հետ նախատեսված է մինչև 2026 թվականի ամառը ՀՀ–ն Մոլդովայում մասնակցում է ՆԱՏՕ-ի Regex 2024 զորավարժությունների հերթական փուլին Զորավարժությունները, որոնց մասնակցում է ՆԱՏՕ–ի գործընկեր մոտ 30 երկիր, կտևեն մինչև մայիսի 24–ը Երևանում է ԱՄՆ ԿՀՎ ղեկավարի տեղակալը․ Նրան ընդունել է Փաշինյանը Քննարկվել են ինչպես երկկողմ, այնպես էլ միջազգային օրակարգի հարցեր ԱՆ–ն չի գրանցել Արշակ Կարապետյանի կուսակցությունը՝ օրենքի մի շարք խախտումների հիմքով Նախարարությունը պարզաբանում է տարածել |