Լեռնային Ղարաբաղը երբեք չի եղել և չի լինի անկախ Ադրբեջանի կազմում: Այդ մասին Երևանում կայացած մամլո ասուլիսում հայտարարել է ԱԺ ՀՀԿ խմբակցության անդամ Գագիկ Մելիքյանը:
Ինչ վերաբերում է ԼՂՀ անկախության ճանաչման մասին օրինագծի վերաբերյալ քվեարկությանը Ազգային ժողովում, ապա իշխող կուսակցության խմբակցության անդամ Գագիկ Մելիքյանն ասել է. «Բանակցությունները հակամարտության կարգավորման շուրջ շարունակվում են: Այդ բանակցությունների վերջնական նպատակը ևս ԼՂՀ միջազգային ճանաչումն է: Մենք չենք ցանկանում մեր գործողություններով թաղել բանակցային գործընթացը: Եվ հետո ինչո՞ւ եք այդքան վստահ, որ օրինագիծը քվեարկության կդրվի: Գուցե այն կրկին հետաձգվի»,-ասել է Մելիքյանը: