Դեկտեմբերի 10-ին տեղի ունեցավ թեթևագույն քաշային կարգում մրցաշարի մասնակիցներ Վախթանգ Դարչինիյանի, Աբներ Մարեսի, Յոնի Պերեսի ու Ջոզեֆ Ագբեկոյի ամփոփիչ մամլո ասուլիսը: Դարչինյանը կհանդիպի Մարեսի, իսկ Ագբեկոն՝ Պերեսի հետ:

Դարչինյանի փրոմոութեր Հարրի Շոուն շնորհակալություն է հայտնել Showtime-ին մրցաշարի կազմակերպման համար: «Դեկտեմբերի 11-ին մենք հիանալի մենամարտեր կտեսնենք չորս մեծ բռնցքամարտիկների մասնակցությամբ»,-Շոուի խոսքերն է մեջբերում boxingscene.com-ը:

Հայ բռնցքամարտիկը խոստովանել է, որ Մարսեը ուժեղ և լավ բռնցքամարտիկ է: «Սակայն այս մենամարտում դուք կտեսնեք մի նոր Վիկի: Ես կհաղթեմ նոկաուտի միջոցով, դա են ցանկանում նաև երկրպագուները»:

Իսկ Մարեսը գտնում է, որ յուրաքանչյուր բռնցքամարտիկ սիրում է պարծենալ և մենամարտից առաջ սպառնալ մրցակցին, սակայն ինքը պատրաստ է մենամարտին: