ՌՀՄ ղեկավարությունն ակտիվ մասնակցում է միջէթնիկական հողի վրա սադրանքների և բախումների կանխման շուրջ խորհրդակցություններին15 դեկտեմբերի 2010 - 09:41 AMT PanARMENIAN.Net - Դեկտեմբերի 6-ին տաքսի կանգնեցնելիս վեճ բռնկվեց երիտասարդների երկու խմբերի միջև, ինչի արդյունքում զոհվեց «ֆուտբոլի երկրպագու» Եգոր Սվիրիդովը, իսկ նրա ընկերները, որոնց թվում էր նաև հայազգի Սերգեյ Գասպարյանը, վնասվածքներ ստացան և տեղափոխվեցին հիվանդանոց: Եգոր Սվիրիդովի մահվան փաստն օգտագործվեց ազգայնականների կողմից` դեկտեմբերի 11-ին Մոսկվայի Մանեժյան հրապարակում զանգվածային անկարգությունների կազմակերպելու համար: Ինչպես հայտնել է Ռուսաստանի Հայերի միության (ՌՀՄ) փոխնախագահ Լևոն Մուկանյանը, անկարգությունների արդյունքում տուժել են նաև երկու 1995 թվականին ծնված դեռահասներ, որոնք Ռուսաստանի քաղաքացիներ են: Նշելով իրենց համադասարանցու ծննդյան օրը, դուրս գալով սրճարանից` դպրոցականներն անսպասելի կերպով արմատական ծայրահեղականների հսկայական ամբոխի վայրի հարձակման ենթարկվեցին: Ծանր վնասվածքներ ստացան նաև նրանց ընկերները` երկու ռուս, մեկ վրացի և մեկ ադրբեջանցի տղա, որը դանակի հարված էր ստացել մեջքին և հիվանդանոց տեղափոխվեց: Մեծ դժվարությամբ ոսիկանության հատուկ նշանակության ջոկատի աշխատակիցներին հաջողվեց փրկել դեռահասներին արմատական ազգայնականների անկառավարելի ամբոխից, որոնց չէր կանգնեցնում անգամ ոստիկանության ներկայությունը: «ՌՀՄ ներկայացուցիչները կապ են հաստատել տուժածների ընտանիքների հետ և պարզել, որ ներկա պահին նրանք ծնողների կամքով բազմաթիվ գեմատոմաներով, գլխի վնասվածքներով և ուղեղի ցնցումներով գտնվում են տանը: Տուժածների հետ կապ է հաստատել և բժշկական խորհրդատվություն է անցկացրել ՌՀՄ Վարչության անդամ, Ռուսաստանի բժշկական գիտությունների ակադեմիայի ակադեմիկոս Առնոլդ Ադամյանը: Ռուսաստանի Հայերի միությունը հետևում է այս իրադրությանը: ՌՀՄ ղեկավարությունն ակտիվ մասնակցում է միջէթնիկական հողի վրա սադրանքների և բախումների կանխման շուրջ հասարակական, պետական և իրավապահ կառույցների ներկայացուցիչների արտակարգ խորհրդակցություններին: Ռուսաստանի Հայերի միությունը դիմել է բոլոր հայրենակիցներին սադրանքների չենթարկվելու, տոկունություն ցուցաբերելու և չարտոնագրված ու աղետային ակցիաներին չմասնակցելու կոչով: «Մենք հուսով ենք, որ իրավապահ մարմինները պատասխանատվության կենթարկեն այս անկարգությունների ոչ միայն մասնակիցներին, այլև կազմակերպիչներին, քանի որ նման գործողություններն անթույլատրելի և խիստ վտանգավոր են Ռուսաստանի Դաշնության համար»,- նշել է Մուկանյանը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիան Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ |