Երևանում 11 ընկերություններ ստորագրեցին «Հայկական կոնյակագործների միության» հիմնման վերաբերյալ պայմանագիր

15 դեկտեմբերի 2010 - 20:11 AMT

PanARMENIAN.Net - Դեկտեմբերի 15-ին Հայաստանի Էկոնոմիկայի նախարարությունում ստորագրվեց «Հայկական կոնյակագործների միության» հիմնման վերաբերյալ պայմանագիր:

Միության ստեղծման նպատակը հիմնադիրների ձեռնարկատիրական գործունեությունը համակարգելն է, ինչպես նաև ընդհանուր շահերը ներկայացնելն ու պաշտպանելը: Միությունը նպաստելու է նաև «Հայկական Կոնյակ» տեղանվանման պահպանությանը, հայկական կոնյակների և հայկական կոնյակի սպիրտների բարձր որակի ապահովման ու սպիրտների վաճառքի ծավալների մեծացմանը:

Պայմանագիրը կնքվեց 11 ընկերությունների կողմից` «Երևանի կոնյակի գործարան» ՓԲԸ, «Երևանի «Արարատ» կոնյակի-գինու-օղու կոմբինատ» ԲԲԸ, «Արտաշատ-Վինկոն» ՓԲԸ, «Գրեյթ Վելլի» ՀՁ ՍՊԸ , «Ավշարի գինու գործարան» ՍՊԸ, «Շահնազարյան» գինու-կոնյակի տուն» ՍՊԸ, «Ստեփանակերտի կոնյակի գործարան» ՓԲԸ, Արարատի կոնյակի գործարան «ԱԿԶ» ՍՊԸ, «Տավինկո» գինու-կոնյակի գործարան» ՍՊԸ, «Արեգակ» կոնյակի գործարան» ՍՊԸ, «Վեդի Ալկո» ՓԲԸ, հաղորդում է ՀՀ էկոնոմիկայի նախարարության տեղեկատվության և հասարակայնության հետ կապերի բաժինը:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով