Սամվել Կարապետյան. Իրականում Կարսում արդեն գոյություն չունի Եղիշե Չարենցի տունը՝ հակառակ քրդերի պնդումների

Սամվել Կարապետյան. Իրականում Կարսում արդեն գոյություն չունի Եղիշե Չարենցի տունը՝ հակառակ քրդերի պնդումների

PanARMENIAN.Net - «Չնայած քրդերի պնդումներին, իրականում Կարսում արդեն գոյություն չունի Եղիշե Չարենցի տունը»,-Երևանում կայացած մամլո ասուլիսում հայտարարել է Հայկական ճարտարապետությունն ուսումնասիրող կազմակերպության հայաստանյան գրասենյակի պատասխանատու, հուշարձանագետ Սամվել Կարապետյանը: Նա նշել է, որ քրդերը նշում են այն թաղամասը, որտեղ իբր գտնվում է Չարենցի տունը, սակայն, իրականում այդ թաղամասն արդեն գոյություն չունի:

Ըստ նրա, դա ընդամենը փող աշխատելու հերթական միջոցն է քրդերի համար: Սամվել Կարապետյանը պատմել է, որ երբ 2000թ. նա այցելեց Կարս, նրան ցույց տվեցին մի ավերված տուն, ասելով, որ դա Եղիշե Չարենցի տունն է: «Երբ ես վերջերս այցելեցի Կարս, ինձ արդեն մեկ այլ տուն ցույց տվեցին՝ ասելով, թե դա է Չարենցի տունը»,-ասել է Կարապետյանը՝ հավելելով, որ ամեն անգամ տարբեր տներ ցույց տալով քրդերը պնդում էին, որ դա Չարենցի տունն է:

Թուրքական ԶԼՄ-ները հաղորդագրություն են հրապարակել, որի համաձայն կիսավեր այն տունը Կարսում, որտեղ ըստ քրդերի պնդումների ծնվել է մեծ հայ բանաստեղծ Եղիշե Չարենցը, վաճառքի է հանվել: Տունը գնահատվում է 180 հազար դոլար:

 Ուշագրավ
Բացահայտման մասին հայտնել է Ամստերդամում Վան Գոգի թանգարանը։
Հայաստանում հյուրընկալվելիս, Պենդերեցկին ասել էր, որ հայկական արմատներ ունի
Կինոփառատոնը պետք է կայանար մայիսի 12-23-ը
Թումանյանի ծննդյան օրը՝ փետրվարի 19-ին, Հայաստնում նշվում է գիրք նվիրելու օրը