ՌԻԱ «Նովի ռեգիոն»-ի մեկնաբան Էռնեստ Վարդանյանին դատապարտել են 15 տարվա ազատազրկման առանց ունեցվածքի բռնագրավման:
Ինչպես հայտնում է Մերձդնեստրի պետանվտանգության նախարարության մամլո ծառայությունը, դատավճիռը կայացվել է 2010-ի դեկտեմբերի 16-ին շրջանի Գերագույն դատարանի կողմից: Լրագրողին մեղադրում են Մոլդովայի համար լրտեսություն իրականացնելու մեջ:
Հաղորդագրությունում ասվում է, որ դատարանը նրան մեղավոր է ճանաչել և դատապարտել 15 տարվա ազատազրկման առանց ունեցվածքի բռնագրավման: Նա պատիժը կրելու է խիստ ռեժիմի գաղութում, հաղորդում է Omega-ն:
Լրագրող Էռնեստ Վարդանյանը Մոլդովայի քաղաքացի է, ձերբակալվել է Մերձդնեստրի հատուկ ծառայությունների կողմից ապրիլի 7-ի երեկոյան «պետական դավաճանության» մեղադրանքով:
Ապրիլի 21-ին Մոլդովայում ԵՄ առաքելության ղեկավարները ստորագրել են համատեղ հայտարարություն, որում մտահոգություն են արտահայտել Էռնեստ Վարդանյանի հանդեպ Մերձդնեստրի իշխանությունների գործողությունների հետ կապված, որը ձերբակալվել է Մերձդնեստրի հատուկ ծառայությունների կողմից:
Մոլդովական իշխանությունները դեռ չեն արձագանքել լրագրողի դատավճիռի առիթով, հաղորդում է ՌԻԱ «Նովի ռեգիոն»-ը: