Երևանի «Նաիրիտ» քիմիական գործարանի ղեկավարությունը Հայաստանի նախագահի հանձնարարականի համաձայն 65%-ով մարել է իր աշխատակիցների նկատմամբ կուտակած աշխատավարձերի պարտքը: Այդ մասին հաղորդում է գործարանի մամլո ծառայությունը:
Հաղորդագրության մեջ նշվում է, որ աշխատավարձի գծով պարտքի մնացած մասը կմարվի հաջորդ շաբաթվա ընթացքում:
Նշենք, որ «Նաիրիտ գործարան» ՓԲԸ-ն նոյեմբերի 18-ին իր աշխատակիցներին վճարեց մեկ ամսվա աշխատավարձը` համաձայն Հայաստանի նախագահ Սերժ Սարգսյանի նոյեմբերի 12-ի հանձնարարականի: Ընդ որում` նախագահի հանձնարարականի համաձայն, պարտքի մնացած մասը պետք է մարվի հաջորդ ամսվա ընթացքում: