Հայաստանի խոշոր հարկ վճարողները սկսել են ավելի քիչ արտադրանք ներմուծել արտասահմանից

20 դեկտեմբերի 2010 - 15:16 AMT

PanARMENIAN.Net - ՀՀ ԿԱ պետական եկամուտների կոմիտեի կողմից մշակվել և վերլուծության է ենթարկվել «Խոշոր հարկ վճարողների հարկային վճարումների մոնիտորինգի հրապարակման ենթակա 2010թ.-ի հոկտեմբեր ամսվա ամփոփ ցուցանիշները» համաձայն ՀՀ ԿԱ ՊԵԿ նախագահի հրամանով հաստատված Խոշոր հարկ վճարողների հարկային տեսչության կողմից 2010թ.-ի ընթացքում սպասարկվող 343 հարկ վճարողների ցանկի, որի արդյունքում պարզվել է. խոշոր հարկ վճարողների կողմից ներմուծման ծավալներն այս տարվա հոկտեմբեր ամսին նախորդ տարվա նույն ամսվա համեմատությամբ նվազել են 24.2 տոկոսով և կազմել 49.2 մլրդ դրամ: Ընդ որում, հարկ է նշել, որ ներմուծման ծավալները աճել են 105 կազմակերպությունների մոտ շուրջ 8.1 մլրդ դրամով և նվազել` 95-ի մոտ համապատասխանաբար 22.5 մլրդ դրամով:

Արտահանման ծավալները 2010թ.-ի հոկտեմբերին կազմել է 22.0 մլրդ դրամ նախորդ տարվա նույն ամսվա 19.3 մլրդ դրամի փոխարեն կամ ավել 2.7 մլրդ դրամով: