Դեկտեմբերի 23-ին Երևանում կկայանա Վերդիի «Աիդա» օպերայի պրեմիերան22 դեկտեմբերի 2010 - 16:17 AMT PanARMENIAN.Net - «2010-ին մշակույթի նախարարության նախաձեռնությամբ մեկնարկեցին Ջուզեպպե Վերդիի «Աիդա»» օպերայի բեմադրման աշխատանքները: Հայաստանում Իտալիայի դեսպան Բրունո Սկապինիի աջակցությամբ մենք հրավիրել ենք իտալացի ռեժիսոր Մարիո Կորրադիին, որի բեմադրություններն ընդգրկված են աշխարհի լավագույն թատրոնների ծրագրերում»,- դեկտեմբերի 22-ին մամլո ասուլիսում ասել է Հայաստանի մշակույթի նախարար Հասմիկ Պողոսյանը: Նա նշել է, որ այդ նախագծի իրականացումն անհնար կլիներ առանց «ՎիվաՍել-ՄՏՍ» բջջային կապի օպերատորի, Հայաստանի Էլեկտրական ցանցերի, «Ռոսգոստրախ Հայաստան» ապահովագրական ընկերության, «Կոնվերսբանկի», ինչպես նաև Հայաստանում Իտալիայի դեսպան Բրունո Սկապինիի: «Երբ իմանում ես, թե ինչպիսի համաշխարհային բեմերում է եղել «Աիդան», և ինչպիսի մենակատաներ են մասնակցել, ապա սկսում ես գիտակցել այս նախագծի ողջ լրջությունը և պատասխանատվությունը»,- ասել է նախարարը: Իտալացի ռեժիսոր Մարիո Կորրադիի խոսքերով, մշակույթի նախարարը շատ հետաքրքրված է եղել այս նախագծով: «Հասմիկ Պողոսյանը հաճախ ներկա է գտնվել փորձերին, իսկ հետո մոտեցել և հայտնել իր կարծիքը: Ես աշխատել եմ գրեթե բոլոր մայրցամաքներում, բայց նախարարի կողմից նման հետաքրքրվածություն առաջին անգամ եմ տեսնում»,- նշել է ռեժիսորը: Այս լայնածավալ նախաձեռնության պրոդյուսերն է «ԱրտԹիմ» պրոդյուսերական կենտրոնը: Բեմականացման մեջ ընգրկված են 300 դերասաններ, օգտագործվել է ավելի քան 400 զգեստ: Իտալական օպերային արվեստի գլուխգործոցը` «Աիդան», Հայաստանում առաջին անգամ բեմադրվել է 1941-ին և եղել օպերային թատրոնի ծրագրում 90-ական թթ. սկզբին: «Աիդա» օպերայի հեղինակը Ջուզեպպե Վերդին է, լիբրետոն գրել է Անտոնիո Գիսլանցոնին Օ. Ֆ. Մարիետտայի սցենարով: «Աիդա» օպերան առաջին անգամ բեմադրվել է դեկտեմբերի 1871-ի 24-ին Կահիրեում: «Աիդա» օպերա «Աիդա» օպերայի հեղինակը Ջուզեպպե Վերդին է, լիբրետոն գրել է Անտոնիո Գիսլանցոնին Օ. Ֆ. Մարիետտայի սցենարով: «Աիդա» օպերան առաջին անգամ բեմադրվել է դեկտեմբերի 1871-ի 24-ին Կահիրեում: Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |