Երևանում դեկտեմբերի 23-ին տեղի է ունեցել տոնական միջոցառում քաղցկեղով հիվանդ երեխաների համար, որի կազմակերպիչներն են «Հենրիկ Մալյան» և «Նվիրիր կյանք» բարեգործական հիմնադրամները: Այդ մասին PanARMENIAN.Net-ին են հաղորդել արյան քաղցկեղով և այլ ծանր հիվանդություններով տառապող երեխաներին օգնող բարեգործական հիմնադրամում:
Քաղցկեղով հիվանդ երեխաների բուժումը տատանվում է 15-150 հազարի սահմաններում: Այսօր 15 երեխա է դիմել հիմնադրամին՝ շտապ աջակցության խնդրանքով:
«Նվիրիր կյանք» բարեգործական հիմնադրամը գործում է Հայաստանում մոտ մեկ տարի:
«Հենրիկ Մալյան» մշակութային հիմնադրամը, կարևորելով ամիսներ շարունակ հիվանդանոցային պայմաններում գտնվող քաղցկեղով հիվանդ երեխաների հոգեբանական խնդիրները, ստեղծել է մտավոր և հոգևոր զարգացման և դաստիարակության մշակութային երկարատև ծրագիր: