  ԵԽԽՎ ձմեռային նստաշրջանում կարող է տեղի ունենալ հայ և ադրբեջանցի խորհրդարանականների հանդիպումը 7 հունվարի 2011 - 13:15 AMT PanARMENIAN.Net - Չի բացառվում, որ ԵԽԽՎ ձմեռային նստաշրջանի շրջանակներում կարող է տեղի ունենալ հայ և ադրբեջանցի խորհրդարանականների հանդիպումը: Այդ մասին PanARMENIAN.Net ի թղթակցի հետ զրույցում հայտնել է ՀՀ ԱԺ եվրաինտեգրման մշտական հանձնաժողովի նախագահ, ԵԽԽՎ հայկական պատվիրակության անդամ Նաիրա Զոհրաբյանը: Ըստ նրա, Թուրքիան, օգտվելով իր նախագահությունից Եվրոպայի խորհրդի նախարարների կոմիտեում, օգտագործում է իր ողջ ազդեցությունը վերականգնելու համար ԵԽԽՎ Լեռնային Ղարաբաղի գծով կոմիտեն: Այդ համատեքստում նա նշեց, որ, նոր հանդիպումներ կազմակերպելով ԵԽԽՎ հայ և ադրբեջանցի պատվիրակությունների միջև, Անկարան ու Բաքուն ընդհանուր առմամբ մեկ նպատակ ունեն՝ վերականգնել Ղարաբաղի գծով կոմիտեն: «Հայկական կողմի դիրքորոշումն այս հարցում անփոփոխ է: Ղարաբաղյան հակամարտությամբ զբաղվում է ԵԱՀԿ ՄԽ-ն, և մենք դեմ ենք այդ հարցի քննարկմանը որևէ այլ ձևաչափում»,-ասել է նա: Զոհրաբյանն ասել է, որ եթե ԵԽԽՎ նախագահ Մովլուդ Չավուշօղլուն որոշի վերականգնել Ղարաբաղի գծով կոմիտեն, ապա հայկական կողմը կբոյկոտի այդ որոշումը և չի մասնակցի կոմիտեի աշխատանքին: «Կոմիտեն կկորցնի իր իմաստը, եթե հայկական կողմը չմասնակցի նրա աշխատանքներին: Չավուշօղլուն չի կարող ղարաբաղյան հակամարտությունը քննարկել միայն ադրբեջանական կողմի հետ»,-ասել է Զոհրաբյանը: Նա նաև անիրական է համարել կոմիտեի վերականգնումը մոտ ապագայում հայկական և ադրբեջանական կողմերի միջև վստահության մթնոլորտի բացակայության պատճառով: Ադրբեջանական ԶԼՄ-ները տեղեկատվություն են տարածել այն մասին, որ ԵԽԽՎ ձմեռային նստաշրջանում կարող է տեղի ունենալ հայ և ադրբեջանցի խորհրդարանականների հանդիպումը: «Հայ և ադրբեջանական պատվիրակությունները ԵԽԽՎ-ում դեռ նախորդ հանդիպումներին համաձայնվեցին շարունակել խորհրդակցությունները ղարաբաղյան հարցի շուրջ և կարծում եմ, որ առաջիկա ձմեռային նստաշրջանում նման հանդիպում հնարավոր է»,-ասել է միլի մեջլիսի պատգամավոր, ԵԽԽՎ-ում ադրբեջանական պատվիրակության անդամ Սաբիր Հաջիևը:   Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը   Ամենաընթերցվողը բաժնում |  Վերջին լուրեր Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են  Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվելԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինըԿիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |
