Փետրվարի 4-ին Երևանի «Միկա» ֆուտբոլային ակումբը սկսել է պարտաստվել 2011-ի ԱՊՀ և Բալթիայի երկրների Համագործակցության գավաթին, որը կայանալու է հունվարի 14-23-ը Սանկտ Պետերբուրգում:

«Միկան» Սանկտ Պետերբուրգ է մեկնելու հունվարի 15-ին և այդ օրն անցկացնելու է առաջին խաղը «Տոբոլի» հետ (Ղազախստան): Հայկական ակումբը հանդես է գալիս B խմբում, որտեղ նրա մրցակիցներն են լինելու «Սկոնտոն» (Լատվիա) և «Բունդեսկորը» (Ուզբեկստան):

«Սանկտ Պետերբուրգում ակումբի կազմում տեղի է ունենալու մոլդավացի ֆուտբոլիստի դիտարկումը, որը կարող է համալրել ակումբի կազմը: 2011-ին մենք նոր ֆուտբոլիստներ ձեռք չենք բերել, ակումբը լքելու է իսպանացի ֆուտբոլիստ Ուլիսես Մոնտենեգրոն, որի հետ պայմանագիրը խզվելու է»,- PanARMENIAN.Net-ի թղթակցին հայտնել է ակումբի մամլո քարտուղար Աշոտ Մարտիրոսյանը:

Փետրվարին «Միկան» երկու ուսումնամարզական հավաքներ է անցկացնելու Կիպրոսում, որից հետո վերադառնալու է Հայաստան: