Վրաստանի Պաշտպանության նախարարության Կրծանիսիի ուսումնական կենտրոնում պայթյուն է տեղի ունեցել: Կրծանիսիի հրաձգարանում պայթյունը տեղի է ունեցել Աֆղանստան մեկնել պատրաստվող ստորաբաժանման զորավարժությունների ժամանակ:
Ինչպես հաղորդում են վրացական ԶԼՄ-ները, պայթյունից անմիջապես հետո 3 զինծառայող է զոհվել: «Ենթադրվում է, որ 120-միլիմետրանոց ականանետի զինամթերքի պայթյունը զորավարժությունների ժամանակ տեղի ունեցած տեխնիկական սխալի արդյունք է: Դժբախտ պատահարի հետևանքով երեք զինծառայող զոհվել է, 13-ը վիրավոր են»,- հաղորդել են Վրաստանի պաշտպանության նախարարությունից:
Ինչպես հաղորդել է Վրաստանի նախագահի մամլո խոսնակ Մանանա Մանջգալաձեն, նախագահ Միխայիլ Սահակաշվիլին երկրի համապատասխան կառույցներին հանձնարարել է շտապ հետաքննել Կրծանիսիի հրաձգարանում տեղի ունեցած պայթյունը: