Երիտասարդ ընտանիքներին աջակցության ծրագրով 2010թ. սուբսիդավորումը կազմել է 34.8 մլն դրամ

15 հունվարի 2011 - 13:07 AMT

PanARMENIAN.Net - «Երիտասարդ ընտանիքներին մատչելի բնակարան» պետական ծրագրով 2010թ. ընթացքում սուբսիդավորվել է թվով 223 վարկառու` ընդամենը 34.8 մլն դրամ գումարով: Այդ մասին ասվում է ՀՀ ֆինանսների նախարարության տարեկան հաշվետվության մեջ, որը զետեղված է նախարարության պաշտոնական կայքում:

Ինչպես ավելի վաղ հայտարարել էր Հայաստանի ֆինանսների նախարարության ֆինանսական շուկաների զարգացման վարչության պետ Կարեն Թամազյանը, հատկացված վարկերի միջին չափը կազմում է 8,2 մլն դրամ, վարկի տրամադրման միջին ժամկետն է 12,4 տարի, իսկ միջին տոկոսադրույքը 10,3 տոկոս է:

2010թ. կառավարությունը վերանայեց վարկավորման պայմաններն այդ ծրագրով և առաջիկայում նոր փոփոխություններ չեն սպասվում: Մասնավորապես, եթե նախկինում պետության օժանդակությունը մարզերի բնակիչներին կազմում էր հատկացված վարկի 2 տոկոսը, ապա այժմ այդ ցուցանիշը կազմում է 4 տոկոս: Բացի այդ, Հայաստանի մարզերում բնակարանի համար կանխավճարը կազմում է 10 տոկոս, նախկին 30 տոկոսի փոխարեն: «Երիտասարդ ընտանիքներին մատչելի բնակարան» ծրագրին մասնակցում են 13 բանկեր և 3 վարկային կազմակերպություն:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով