«Ես ղարաբաղյան հակամարտության վերաբերյալ արտգործնախարարի հայտարարությունը չեմ լսել, սակայն, իմ տեղեկատվության համաձայն, դրանում չի խոսվել միջնորդի դեր կատարելու մասին»,- լրագրողներին է հայտնել ԱԳ փոխնախարար Նինո Կալանդաձեն` մեկնաբանելով նախարար Գրիգոլ Վաշաձեի տված հարցազրույցն ադրբեջանական ԶԼՄ-ներին: Կալանդաձեն նաև նշել է, որ բոլոր հակամարտական օջախները սպառնում են տարածաշրջանի անվտանգությանը և, հետևաբար, որքան դրանք արագ լուծում ստանան, այնքան լավ: «Հենց այդ մասին է խոսել նախարարը»,- հայտնել է Կալանդաձեն, հաղորդում է «GHN»-ը:
Վրաստանի արտգործնախարար Գրիգոլ Վաշաձեն ANS-ին տված հարցազրույցում հայտնել է այն մասին, որ իր երկիրը միշտ ակտիվ դեր է խաղացել Հայաստանի ու Ադրբեջանի միջև երկխոսության մեջ և հակամարտության շուտափույթ լուծումն է ցանկանում: Նա նկատել է, որ հակամարտությունը պետք է լուծել միջազգային իրավունքի նորմերի հիման վրա:
