Հայաստանի կառավարությունում շարունակվում են ՀՀ կառավարությանն առընթեր պետմարմինների 2010թ. գործունեության հաշվետվությունների լսումները: Ինչպես հաղորդում է ՀՀ կառավարության մամլո ծառայույունը, իրենց ղեկավարած պետական կառավարման մարմինների գործունեության վերաբերյալ հաշվետվություններով հանդես են եկել ՀՀ աշխատանքի և սոցիալական հարցերի նախարար Արթուր Գրիգորյան, ՀՀ կառավարությանն առընթեր Անշարժ գույքի կադաստրի պետական կոմիտեի նախագահ Երվանդ Զաքարյանը, Քաղաքացիական ավիացիայի գլխավոր վարչության պետ Արտյոմ Մովսեսյանը, Պետական գույքի կառավարման վարչության պետ Կարինե Կիրակոսյանը և Միջուկային անվտանգության կարգավորման պետական կոմիտեի նախագահ Աշոտ Մարտիրոսյանը: Պետական կառավարման մարմինների ղեկավարներն զեկուցել են հաշվետու տարում կատարված աշխատանքների ու տրված հանձնարարականների կատարողականների մասին:

Անդրադառնալով 2010թ. գործունեության հիմնական թերացումներին ու բացթողումներին` վարչապետը համապատասխան հանձնարարականներ է տվել արձանագրված խնդիրների լուծման ուղղությամբ: