Հունվարի 20-ին Երևանում կայացած մամլո ասուլիսում, որը նվիրված էր Կապանում բազմամետաղ հանքավայերի շահագործման նպատակով շուրջ 50 հազար ծառերի հատման հետ, բնապահպանության փոխնախարար Սիմոն Պապյանն ասել է, որ երկրի տնտեսությունը պետք է զարգանա, իսկ դա անհնար է առանց շրջակա միջավայրին վնասելու: «Անհնար է զարգացնել տնտեսությունը, չվնասելով շրջակա միջավայրին, սակայն հարկավոր է որոշակի հավասարակշռություն պահպանել., վնասը նվազագույնի հասցնելու համար: Հարկավոր է գտնել ամենաճիշտ ու լավագույն լուծումները»,-ասել է նա:
PanARMENIAN.Net-ի թղթակցի այն հարցին, թե հնարավոր է արդյոք Կապանի հանքավայրի բաց շահագործում, փոխնախարարն ասել է, որ նման խնդիր դեռևս օրակարգում չկա, իսկ երբ հայտնվի, որոշում կայացնելուց առաջ անպայման հասարակական լսումներ կանցկացվեն:
Նա հավելել է, որ այսօրվա դրությամբ Հայաստանում կան լուրջ բնապահպանական խնդիրներ, որոնցից գլխավորը կապված է Սևանի էկոհամակարգի հետ: