2011-ին «Առէկսիմբանկ`Գազպրոմբանկի խումբ» ՓԲԸ-ն հասցնում է բանկոմատների թիվը 58-ի, իսկ POS տերմինալների թիվը` 170-ի 2010-ի վերջի համապատասխանաբար 45-ի և 128-ի համեմատ, հաղորդում է բանկի մամլո ծառայությունը: «Արդեն հիմա Հայաստանի պլաստիկ քարտերի շուկան գտնվում է բուռն զարգացման փուլում բանկերի մեծ մրցակցության շնորհիվ»,- ասել է «Առէկսիմբանկ` Գազպրոմբանկի խումբ» ՓԲԸ-ի գլխավոր տնօրենի տեղակալ Ռուբեն Խաչատրյանը: Նա նաև հաստատել է փորձագետների կանխատեսումները, որ 2011-ին շարունակվելու է բանկերի կողմից դեբետային քարտերի թողարկման և սպասարկման համար գումարների նվազեցման միտումը:
Բանկը VISA International և MasterCard միջազգային վճարային համակարգերի անդամ է, ինչպես նաև ArCa վճարային համակարգի անդամ` սպասարկող բանկի կարգավիճակով: «Առէկսիմբանկ` Գազպրոմբանկի խումբ» ՓԲԸ-ն հայկական բանկերից առաջինն է ներմուծել օն-լայն ռեժիմով միջազգային պլաստիկ քարտեր պատվիրելու ծառայությունը:
