Լեռնիկ Ալեքսանյան. Հայկական պատվիրակությանը պետք է կողմնորոշվի ԵԽԽՎ ենթակոմիտեում աշխատանքի հարցում
Եվրոպայի Խորհրդի Խորհրդարանական վեհաժողովում (ԵԽԽՎ) այժմ հայկական կողմի համար անբարենպաստ մթնոլորտ է ղարաբաղյան հակամարտության հարցում: Ինչպես Երևանում կայացած մամլո ասուլիսում հայտնեց ՀՀԿ-ից ՀՀ Ազգային ժողովի պատգամավոր Լեռնիկ Ալեքսանյանը, դրա վկայությունն է Լեռնային Ղարաբաղի հարցով ԵԽԽՎ ենթակոմիտեի աշխատանքի վերսկսումը:
«Հայկական պատվիրակությունը պետք է կողմնորոշվի ենթակոմիտեում աշխատանքի հարցում: Եթե ենթակոմիտեի բոյկոտը կնպաստի կոմիտեի աշխատանքի դադարեցմանը, ապա հայկական կողմը պետք է դիմի այդ քայլին: Սակայն եթե ենթակոմիտեն, անգամ չնայած հայկական կողմի բոյկոտին, շարունակի իր աշխատանքը, ապա հայկական պատվիրակությունը պետք է մասնակցի դրա նիստերին` ադրբեջանական քարոզչությանը հակազդելու համար»,- ասաց Ալեքսանյանը:
