Բարձր մակարդակի հանդիպումները Հայաստանի ու Ադրբեջանի նախագահների, ինչպես նաև ԱԳ նախարարների միջև, երկխոսության տարրերն են, որոնք անհրաժեշտ են ղարաբաղյան կարգավորման համար: Այդ մասին հայտարարել է ռազմական փորձագետ, Third View տեղեկատվական-վերլուծական կենտրոնի տնօրեն Ռաուֆ Ռաջաբովը:
«Ես ուրախ եմ, որ երկխոսությունն Ադրբեջանի ու Հայաստանի միջև շարունակվում է: «Որքան ինձ հայտնի է, այս տարի կկայանան հանդիպումներ, որոնք կնպաստեն վերջնական խաղաղության որոնման գործընթացին»,-ասել է Ռաջաբովը:
Ռաջաբովը նբաև հույս է հայտնել, որ Թուրքիայում կայանալիք խորհրդարանական ընտրություններից հետո հայ-թուրքական հարաբերությունների կարգավորումը կշարունակվի և ավելի շատ օգուտ, քան վնաս կբերի ղարաբաղյան կարգավորմանը:
«Հարավային Կովկասի լիարժեք ինտեգրումը տեղի կունենա այն ժամանակ, երբ լուծվեն բոլոր հակամարտությունները, այդ թվում նաև Հայաստանի ու Թուրքիայի միջև»,-ասել է փորձագետը:
