8 փետրվարի 2011 - 17:17 AMT
Մարդն է մեղավոր, որ գնալով ավելի շատ բույսեր ու կենդանատեսակներ են գրանցվում Կարմիր գրքում

«Մարդու ազդեցությունն էկոհամակարգի վրա ամենահիմնական պատճառն է, որ գնալով ավելի շատ բուսատեսակներ ու կենդանատեսակներ են գրանցվում Կարմիր գրքում»,- Երևանում կայացած մամլո ասուլիսում ասել է Հայաստանի Բնապահպանության նախարարության կենսաբազմազանության քաղաքականության բաժնի պետ Տատյանա Դանիելյանը:

«Մի կողմից մեր երկրում աճում է պահպանվող տարածքների թիվը, այդ թիվն արդեն հասել է 11%-ի, ինչն ուրախալի է: Սակայն հայտնի չէ, թե որքանով է պահպանվում հսկողությունն այդ տարածքներում»,- իր հերթին նշել է էկոլոգ, Հայաստանի էկոլոգիայի նախկին նախարար, «Ընկերակցություն հանուն մարդկության կայուն զարգացման» հասարակական կազմակերպության նախագահ Կարինե Դանիելյանը:

Նա ընդգծել է, որ այդ ամեն արդյունքում «հաստանում են Կարմիր գրքերը»: «Մեր խնդիրը կայանում է նրանում, որպեսզի ոչ թե առանձին բուսատեսակ կամ կենդանատեսակ պահպանենք, այլ էկոհմակարգն ընդհանրապես: Եթե մենք այն կորցնենք, մենք ինքներս կոչնչանանք, քանի որ դրա մի փոքր մասն ենք կազմում: Եվ չարժե դրանից հետո զարմանալ քաղցկեղային հիվանդությունների կամ անոմալ ծնունդների աճին»,- ասել է Կ.Դանիելյանը: