«Ես ծանոթ եմ Միջազգային ճգնաժամային խմբի (ՄՃԽ) Հայաստանի և Ադրբեջանի գծով վերջին զեկույցին: Հեղինակները ներկայացնում են այն որպես փորձագիտական կարծիք, սակայն, փորձագետները ևս կարող են տարբեր կարծիքներ ունենալ»,-Երևանում լրագրողներին է ասել ՀՀ արտգործնախարար Էդվարդ Նալբանդյանը: Նախարարն ընդգծել է, որ ՄՃԽ-ի փորձագիտական կարծիքները միշտ չեն համընկնում իրականության հետ: «Գնահատակններին անդրադառնալուց առաջ՝ հարկավոր է աշխատել այնպես անել, որ այդ կարծիքները կրակին յուղ չլցնեն: Ղարաբաղյան կարգավորմամբ զբաղվում է ԵԱՀԿ Մինսկի խումբը, որը ոչ միայն ծանոթ է հակամարտության պատմությանը, այլ նաև բանակցային գործընթացում առկա ներկա իրավիճակին»,-ասել է Նալբանդյանը: