Հայ կանանց շրջանում հաճախակի են դարձել հղիության արհեստական ընդհատումները տնային պայմաններում11 փետրվարի 2011 - 12:06 AMT PanARMENIAN.Net - Պաշտոնական վիճակագրության համաձայն, 2009-ին Հայաստանում գրանցվել է հղիության արհեստական ընդհատուման 10 149 դեպք: Ինչպես երևում է վիճակագրությունից, 1983-ի համեմատ 2000-ին աբորտների քանակը կրճատվել է երկու անգամ (1983-ին` 33 158 աբորտ, 2000-ին` 11 769): Սակայն դժվար է հստակ անվանել Հայաստանում աբորտների թիվը, եթե չասել` անհնար է: Մասնագետների կարծիքով, խնդիրը նրանում է, որ հայ կանայք ավելի հաճախ են սկսել հղիությունն ընդհատել տնային պայմաններում: Ինչպես նշել է PanARMENIAN.Net ի թղթակցի հետ զրույցում բժիշկ-գինեկոլոգ Լուսինե Տիտիրյանը, հայ կանանց մոտ նկատվում է տնային պայմաններում դեղորայքային աբորտի միտում` առանց բժշկի հետ խորհրդակցելու: «Այսօր դեղատներում վաճառվում են դեղեր, որոնց օգնությամբ կարելի է ընդհատել հղիությունը, ինչը, սակայն, կարող է հանգեցնել անցանկալի և շատ վտանգավոր հետևանքների: Այդ դեղերը կարելի է օգտագործել միայն բժշկի դեղատոմսով»,- ասել է նա: Մասնագետին նաև անհանգստացնում է այն, որ վերջին տարիներին նկատվում է աբորտների աճ դեռահաս կանանց շարքում և առաջին հղիության ընդհատում: Սակայն դեռահաս կանանց շարքում աբորտների պաշտոնական վիճակագրություն, ցավոք սրտի, չկա: Ինչպես նշել է Երևանի հիվանդանոցներից մեկի գինեկոլոգիական բաժանմունքի նախկին աշխատողը, գրեթե անհնար է որոշել 15-20 տ կանանց շարքում հղիության ընդհատման ստույգ թիվը, քանի որ այդ աբորտները հաճախ ուղղակի չեն գրանցվում: Ուշագրավ Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար Ամփոփվել են միասնական քննությունների առաջին փուլի արդյունքները Ամենաընթերցվողը բաժնում | Լավրովը «լկտի» և «անպատկառ» է անվանել ԱՄՆ և ԵՄ գործողությունները, որոնք ուզում են «ՀՀ–ին պոկել Ռուսաստանից» Նա նաև ասել է, որ ՌԴ–ն ու ՀՀ–ն նախկինի պես դաշնակիցներ են Պետդեպն ապատեղեկատվություն է անվանել Բրյուսելում ՀՀ-ի հետ ռազմական փաստաթուղթ ստորագրելու մասին պնդումները Նշել է, որ անվտանգային հարցեր օրակարգում չեն եղել PROFAL ընկերությունն անակնկալ է մատուցել իր 30,000-րդ հաճախորդին Էդգար Ավետիսյանը նշել է՝ ընկերության հաջողությունների հիմքում նաև հաճախորդներն են Երևանում կբացվի քանդակագործ Մկրտիչ Մազմանյանի ցուցահանդեսը՝ նվիրված Ազնավուրին Բացման օրը տեղի կունենա նաև քանդակագործի աշխատանքներին ու ստեղծագործական կյանքին նվիրված գրքի շնորհանդեսը |