«ԱրմենՏել» ընկերությունը հայտարարել է, որ փետրվար ամսվա հանգստյան օրերին ֆիզիկական անձինք կարող են ձեռք բերել Beeline բջջային ցանցի «գեղեցիկ» հեռախոսահամարներ կես գնով: Ինչպես հաղորդել են ընկերության մամլո ծառայությունից, հանգստյան օրերին, ինչպես նաև փետրվարի 14-ին «արծաթե» համարի արժեքը կկազմի 2500 դրամ, իսկ «ոսկե» համարի` 30000 դրամ:
«Փետրվարը` իր սիրահարներին և նորապսակներին նվիրված տոներով, կարելի է համարել հայ երիտասարդների ամենասիրելի ամիսներից մեկը: Այդ տոնական օրերի նախաշեմին «ԱրմենՏել» ընկերությունն ուրախ է բոլոր հաճախորդներին առաջարկել իրենց հարազատներին, ընկերներին և սիրելիներին յուրօրինակ նվեր մատուցելու նոր հնարավորություն», - նշեց «ԱրմենՏել» ՓԲԸ գլխավոր տնօրեն Իգոր Կլիմկոն: Ակցիայի շրջանակում յուրաքանչյուր հաճախորդ կարող է գնել մեկ «գեղեցիկ» համար:
