Կկառուցվի Երևանը շրջանցող երկու գլխավոր ճանապարհ

15 փետրվարի 2011 - 10:50 AMT

PanARMENIAN.Net - Մայրաքաղաքի տրանսպորտային բարեփոխումների շրջանակում վարկային միջոցների ներգրավման հարցեր են քննարկվել Երևանի քաղաքապետ Կարեն Կարապետյանի և Ասիական զարգացման բանկի քաղաքային ենթակառուցվածքների կայուն զարգացման ծրագրի ղեկավար Արնո Դոֆինի հանդիպման ընթացքում:

Ասիական զարգացման բանկի կողմից նախատեսվող վարկային ծրագրի առաջին փուլի համաձայն` ծրագրվում է կառուցել քաղաքի կենտրոնը բեռնաթափող և քաղաքը շրջանցող երկու նոր գլխավոր ճանապարհ:

Կարևորելով մայրաքաղաքի ենթակառուցվածքների զարգացումը` Կարեն Կարապետյանն ընդգծել է, որ քաղաքապետարանը հետաքրքրված է բանկի խորհրդատուների կողմից ներկայացված քաղաքային տրանսպորտի ծրագրերով:

Արնո Դոֆինն իր հերթին նշել է, որ առաջիկա օրերին բանկի խորհրդատուների կողմից քաղաքապետարանի համապատասխան ստորաբաժանումներին կներկայացվի տրանսպորտային բարեփոխումների հայեցակարգի շնորհանդեսը, հաղորդում է Երևանի քաղաքապետարանի տեղեկատվության և հասարակայնության հետ կապերի վարչությունը:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով