Մուբարաքն իրեն լավ է զգում, հաղորդում է Reuters-ը
Եգիպտոսի նախկին նախագահ Հոսնի Մուբարաքը, որն այդ պաշտոնը լքեց երկարատև ժողովրդական հուզումներից հետո և մեկնեց Շարմ-էլ-Շեյխ հանգստավայրում գտնվող իր նստավայր, իրեն լավ է զգում և հեռախոսազանգեր է ընդունում, հաղորդում է Reuters-ը: «Նրա հետ ամեն ինչ կարգին է: Այժմ նա իր ընտանիքի հետ գտնվում է նստավայրում և հեռախոսազանգեր է ընդունում: Ես նրա հետ խոսել եմ ցերեկը»,- գործակալությանը հաղորդել է աղբյուրը:
2010 թվականին Մուբարաքը Գերմանիայում լեղապարկի վիրահատության ենթարկվեց և պետք է 2011 թվականին կրկին հետազոտվի գերմանական կլինիկայում: Սակայն նախկին նախագահը հրաժարվել է լքել երկիրն անգամ բուժման համար և հինգշաբթի օրը մեկնել է Շարմ-էլ-Շեյխ:
