  Հայաստանի և Լեհաստանի զինվորականները քննարկել են երկու երկրներում իրականացվող պաշտպանական բնագավառի բարեփոխումները 24 փետրվարի 2011 - 14:41 AMT PanARMENIAN.Net - Փետրվարի 22-24-ը աշխատանքային այցով Երևան էին այցելել Լեհաստանի Հանրապետության ազգային պաշտպանության նախարարության վերափոխումների վարչության պետի և Պաշտպանության ազգային ակադեմիայի հրամանատարի գլխավորած պատվիրակությունները: Այցի ընթացքում պատվիրակությունները հանդիպումներ են ունեցել պաշտպանության նախարարության պաշտպանական քաղաքականության, կադրերի և ռազմական կրթության և գլխավոր շտաբի ռազմավարական պլանավորման վարչությունների ներկայացուցիչների հետ, այցելել են ՀՀ ՊՆ Վազգեն Սարգսյանի անվան ռազմական ինստիտուտ: Հանդիպումների ընթացքում քննարկվել են երկու երկրներում իրականացվող պաշտպանական բնագավառում բարեփոխումների և պաշտպանության ռազմավարական վերանայման ուղությամբ փորձի փոխանակման, ինչպես նաև ռազմական կրթության բնագավառներում երկկողմ համագործակցությանն առնչվող հարցեր: Փետրվարի 24-ին պատվիրակություններին ընդունել է նաև ՀՀ պաշտպանության նախարարի առաջին տեղակալ Դ.Տոնոյանը: Գոհունակություն հայտնելով պաշտպանության ոլորտում հայ-լեհական համագործակցության ներկայիս մակարդակի կապակցությամբ, Դ.Տոնոյանը նախանշել է երկուստեք հետաքրքրություն ներկայացնող ոլորտներում համագործակցության առավել զարգացման և նոր նախագծերի իրականացման հեռանկարները: Այցի ընթացքում ստորագրվել է Հայաստանի Հանրապետության պաշտպանության նախարարության և Լեհաստանի Հանրապետության ազգային պաշտպանության նախարարության միջև 2011թ. երկկողմ համագործակցության պլանը, հայտնում է պաշտպանության նախարարության մամլո ծառայությունը:   Ուշագրավ «Մենք ամեն ինչ կանենք, որ այդ հնարավորությունն ընձեռվի»,–ասել է նա «Սա այն, ինչի մասին մենք երկար ժամանակ ահազանգում էինք միջազգային հանրությանը»,–ասել է նա «Նա նաև իր աչքերով է ուզում տեսնել, թե ինչ է կատարվում, որ զեկուցի ԱՄՆ նախագահին»,– ասել է Հովհաննիսյանը Նա տարակուսելի է համարել տեղեկությունը, որ Ադրբեջանն իր գործողույունների մեկնարկի մասին տեղյակ է պահել ՌԴ–ին   Ամենաընթերցվողը բաժնում |  Վերջին լուրեր Վորոբյով․ Հռոմի ստատուտի վավերացումը չի փլուզի հայ և ռուս ժողովրդների բարեկամությունը, բայց ոչ բարեկամական քայլ է  Նա նշել է, որ հայ խորհրդարանականների որոշումը խաթարում է կառուցողական և վստահելի հարաբերությունները75 կոնգրեսական կոչ է արել Բայդենի վարչակազմին պատժամիջոցներ կիրառել Ադրբեջանի դեմ Օրենսդիրներն առաջարկել են երեք կոնկրետ գործողություն, որոնք Բայդենի վարչակազմը պետք է ձեռնարկիՄիլլեր․ ԱՄՆ-ն չի վարանի միջոցներ ձեռնարկել, եթե ի հայտ գան ԼՂ-ում էթնիկ զտումները վկայող ապացույցներ ԱՄՆ պետքարտուղարության ներկայացուցիչն ընգծել է, որ առկա է հնարավորություն՝ խաղաղության հասնելու համարԼՂ–ից բռնի տեղահանվածների՝ ՀՀ դպրոցներում ազատ տեղերի համար դիմելու կարգը հայտնի է Ըստ այդմ՝ բնակավայրի միակ դպրոցում երեխաներն ընդգրկվելու են՝ անկախ տվյալ հաստատության՝ լիցենզիայով սահմանված տեղերի թվից |
