Էլինա Դանիելյանը գլխավորում է ՖԻԴԵ-ի Գրան պրիի մրցաշարային աղյուսակը
Դոհայում շարունակվում է ՖԻԴԵ-ի Գրան պրիի վերջին փուլը, որին մասնակցում են աշխարհի 12 ուժեղագույն շախմատիստուհիները:
Երրորդ տուրում Հայաստանի ներկայացուցիչ Էլինա Դանիելյանը սև խաղաքարերով պարտության է մատնել Բաթույագ Մոնղոնտուլին (Մոնղոլիա): Այդ հաղթանակի շնորհիվ Դանիելյանը մրցաշարային աղյուսակում 3 միավորով զբաղեցնում է առաջին տեղը:
Լիլիթ Մկրտչյանը ոչ ոքի է խաղացել Մարի Սեբագի հետ (Ֆրանսիա) և 1 միավորով զբաղեցնում է վերջին տեղը:
4-րդ տուրում հայ շախմատիստուհիները խաղալու են վրացուհիների հետ: Դանիելյանը հանդիպելու է Նանա Ձագնիձեի (Վրաստան), Մկրտչյանը` Մայա Չիբուրդանիձեի հետ:
