Խառը մենամարտերի մասնակից հայազգի Գեղարդ Մուսասին (Գեղարդ Մովսիսյանը) Հոլանդիայից կիսածանր քաշային կարգում կմենամարտի բրազիլացի Ռոջեր Գրեյսիի հետ: Թեև հանդիպման մասին համաձայնագիր չի կնքվել, աղբյուրները վկայում են, որ կողմերը բանավոր համաձայնություն են տվել, հաղորդում է mmaweekly.com-ը: Ռոջեր Գրեյսին, որին շատերը համարում են աշխարհում բրազիլական ջիու-ջիտսուի լավագույն ներկայացուցիչը, ընդամենը չորս մենամարտ է անցկացրել MMA-ում:

Իր վերջին մենամարտը Strikeforce-ում հայ մարզիկն անց է կացրել նախորդ տարվա ապրիլին և մրցավարների որոշմամբ զիջել է Մոհամմեդ Լավալին: Դրանից հետո նա րեկու հաղթանակ տարավ Ճապոնիայում՝ Dream մրցաշարերում: