Ինչպես հաղորդում է Հայաստանի Ֆուտբոլի ֆեդերացիայի մրցաշարերի կազմակերպման և անցկացման բաժինը, Հայաստանի 2011 թվականի առաջնության օրացույցում փոփոխություններ են կատարվել:
Առաջին տուրի «Գանձասար» - «Ուլիս» հանդիպումը, որը պետք է տեղի ունենար մարտի 6-ին Կապանի «Գանձասար» մարզադաշտում, կկայանա մարտի 24-ին:
Առաջնության մյուս երեք հանդիպումները տեղի կունենան ժամանակացույցի համաձայն. մարտի 5-ին «Միկան» կընդունի «Շիրակին», «Արարատը»` «Բանանցին», իսկ մարտի 6-ին կկայանա «Իմպուլս» - «Փյունիկ» խաղը: